Kush thotë që nuk kanë “mbi ngrënë” gjatë pushimeve, gënjen. Sigurisht, ka përjashtime, por vetëm disa! Në mënyrë që të mos ndiheni fajtorë dhe të ktheheni në formën që keni pasur para pushimeve, ju rekomandojmë që të filloni të digjni kaloritë, sot. Nuk do të jetë e lehtë për ju, por ne jemi të sigurt që do të ndiheni shumë më mirë në momentin që do të vishni veshjen tuaj të trajnimit dhe të bëni setin e parë të stërvitjes.
Me këtë frymë, sot ne kemi përgatitur për ju një trajtim të vërtetë fitnesi - stërvitje HIIT 30-minutëshe që mund të bëni në shtëpi, gjatë së cilës do të digjni ëmbëlsirat, sallatën ruse dhe të gjitha ushqimet e tjera që shijuat ditët e mëparshme.
Stërvitja përfshin tre grupe ushtrimesh me kohëzgjatje të ndryshme. Seti i parë është që të ngroheni mirë për stërvitje, seti i dytë përfshin ushtrime HIIT për të gjithë trupin, ndërsa në të tretin fokusi është tek pjesa e sipërme e trupit, por kjo nuk do të thotë që muskujt e tjerë do të neglizhohen.
Ne nuk do t'ju mbajmë më pezull - kjo është një stërvitje HIIT 30 minutëshe për të gjithë trupin. Mos u mashtroni nga fakti që ushtrimet tregohen nga ndikuesja e fitnesit me famë botërore Pamela Reif – këto ushtrime janë menduar për burra dhe gra.
Seti I pare- NGROHJA E TË GJITHË TRUPIT
Duke ndjekur ritmet e këngës Funny, seti i parë përfshin ushtrime për ngrohjen e të gjithë trupit që do t'ju bëjnë të djersiteni dhe të lëvizni. Squats, kërcime dhe ushtrime në tokë, së bashku me shtrirjen e bëjnë këtë pjesë të ngrohjes 4 minutëshe më të komplikuar sesa duket në fillim.
Seti I dytë- 15 MINUTA USHTRIME HIIT PËR TË GJITHË TRUPIN
Tani që jeni ngrohur dhe gëzuar të gjithë pak nga tingulli i muzikës së mirë, është koha të digjni kalori - shumë kalori! Seti i dytë zgjat vetëm 15 minuta, megjithëse do t’ju duket si një përjetësi. Në varësi të peshës, gjatësisë dhe formës fizike, ju do të digjni mesatarisht mes 80 dhe 150 kcal. Ju nuk keni nevojë për ndonjë pajisje tjetër përveç një tapet trajnimi.
Mos bëni pushime gjatë stërvitjes (nëse ndieni nevojë, natyrisht mund të bëni një pushim të shkurtër), ndërsa për 15 minutat e ardhshme do të kemi ushtrime si “lunges, burpees, squats and jump-squats” dhe shumë ushtrime të tjera me intensitet të lartë. A jeni gati? Le të fillojmë!
Seti I tretë- 10 MINUTA USHTRIME PËR PJESËN E SIPËRME TË TRUPIT
Stërvitja që vijon zgjat 10 minuta, gjatë së cilës përqendrimi është në pjesën e sipërme të trupit, më saktësisht në muskujt e shpatullave, gjoksit dhe shpinës. Është gjithashtu pa ndërprerje dhe përfshin versione të ndryshme të shtytjeve dhe variacioneve të tjera të ushtrimeve të mirënjohura, falë të cilave do të formoni muskujt e sipërm të trupit.
Kush do ta kishte menduar që 30 minuta mund të ishin kaq intensive, apo jo? Shikoni disa ide më shumë për stërvitje në shtëpi dhe gjeni pajisje të plota në dyqanet tona ose porosisni në internet.
Sport Vision Team
